İtaliya A seriyasında 34-cü tura “Sassuolo” – “Yuventus” oyunu ilə yekun vurulub.
39-cu dəqiqədə hesab açılıb. Cakomo Raspadori meydan sahiblərini önə çıxarıb. Lakin fasiləyə kimi tarazlıq bərpa olunub. 1-ci hissənin tamamında Paulo Dibala hesabı bərabərləşdirib. 2-ci yarı da qarşılıqlı hücumlar şəraitində keçib. “Yuventus” futbolçuları sona yaxın fəallaşaraq qələbə qolunu vurmağa nail olublar. Vaxtın bitməsinə 2 dəqiqə qalmış Moyze Kin “Sassuolo”nun qapısına yol taparaq “Qoca Sinyora”ya 2:1 hesablı qələbə qazandırıb. Xallarının sayını 66-ya çatdıran “Yuventus”u 3-cü sıradakı “Napoli”dən hazırda 1 xal ayırır. “İnter” 72 xalla 2-cidir. “Milan” 74 xalla liderdir. “Sassuolo” 46 xalla 10-cu yerdədir.